ಆಕಸ್ಮಿಕ ಬೆಂಕಿಗೆ ಬೆಲೆಬಾಳುವ ಬಣಿವೆ ಭಸ್ಮ

ಸಂಗಮೇಶ ಮುಶಿಗೇರಿ

ಕೃಷಿಪ್ರಿಯ ನ್ಯೂಸ್ |

ಕೊಪ್ಪಳ: ಆಕಸ್ಮಿಕವಾಗಿ ಬೆಂಕಿ ತಗುಲಿ ಬೆಲೆಬಾಳುವ ಜೋಳದ ಮೇವು, ಶೇಂಗಾ ಹೊಟ್ಟು ಭಸ್ಮವಾದ ಘಟನೆ ಜಿಲ್ಲೆಯ ಕುಷ್ಟಗಿ ತಾಲೂಕಿನ ಬಿಳೇಕಲ್ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ರಂಗಾಪೂರ ಗ್ರಾಮದ ಜಮೀನೊಂದರಲ್ಲಿ ಜ.27 ರಂದು ಶನಿವಾರ ನಡೆದಿದೆ.

ಗ್ರಾಮದ ರೈತ ಸಂಗಪ್ಪ ಬಸ್ಸಪ್ಪ ವಕ್ರದ ಎಂಬುವರಿಗೆ ಸೇರಿದ ಜಮೀನಿನಲ್ಲಿ ಮದ್ಯಾಹ್ನ 12 ರಿಂದ ಒಂದು ಗಂಟೆ ಆಸುಪಾಸಿನಲ್ಲಿ ಈ ಘಟನೆ ಸಂಭವಿಸಿದೆ.
ರೈತ ತನ್ನ ಜಮೀನಿನಲ್ಲಿ 3 ಟ್ರ್ಯಾಕ್ಟರ್ ಅಷ್ಟು ಬಿಳಿ ಜೋಳದ ಮೇವು, 2 ಟ್ರ್ಯಾಕ್ಟರ್ ಅಷ್ಟು ಅಬ್ ಶೇಂಗಾದ ಹೊಟ್ಟು ಸಂಪೂರ್ಣ ಸುಟ್ಟು ಭಸ್ಮವಾಗಿದೆ. ಈ ಬರಗಾಲ ಸಂದರ್ಭದಲ್ಲಿ ದನಕರುಗಳಿಗೆ ಸಂಗ್ರಹಿಸಿಟ್ಟಿದ್ದ 70 ರಿಂದ 80 ಸಾವಿರ ರೂಪಾಯಿ ಬೆಲೆಬಾಳುವ ಮೇವು ಕಳೆದುಕೊಂಡ ರೈತ ಸಂಕಷ್ಟಕ್ಕೆ ಸಿಲುಕಿದ್ದು, ಸರ್ಕಾರ ರೈತನಿಗೆ ಪರಿಹಾರ ಕಲ್ಪಿಸಬೇಕು ಎಂದು ರೈತರು ಮನವಿ ಮಾಡಿದ್ದಾರೆ.