Author: Sharanappa Kumbar

– ಶರಣಪ್ಪ ಕುಂಬಾರ

ಕೊಪ್ಪಳ : ಹೈದ್ರಾಬಾದ್ ಕರ್ನಾಟಕ ಪ್ರದೇಶವು ನಿಜಾಮಶಾಹಿಗಳ ಕಪಿಮುಷ್ಟಿಯಿಂದ ಸ್ವತಂತ್ರ ಭಾರತ ದೇಶದೊಳಗೆ ವಿಲೀನಗೊಳ್ಳಲು ಈ ಭಾಗದ ಸೇನಾನಿಗಳು ಸೇನಸಾಡಿದ್ದು , ಬಳಿಕ ಈ ಪ್ರದೇಶಕ್ಕಾಗಿಯೇ ಪ್ರತ್ಯೇಕ ಮೀಸಲಾತಿಗಾಗಿ ಒತ್ತಾಯಿಸಿ ದಶಕಗಳ ಕಾಲದ ಹೋರಾಟದ ಫಲವಾಗಿ ಸಂವಿಧಾನ ತಿದ್ದುಪಡಿ ಮೂಲಕ 371(J) ಕಲಂ ಜಾರಿಗೆ ಬಂದಿದ್ದು ಒಂದು ಇತಿಹಾಸ. ಆದರೆ, ಇಂತಹ ವಿಶಿಷ್ಟ ಪ್ರದೇಶದ ಸಮಗ್ರ ಅಭಿವೃದ್ಧಿಗೆ ಮತ್ತೊಮ್ಮೆ ‘ಕ್ರಾಂತಿ’ ಆಗಬೇಕಾ ಎಂಬ ಮಾತುಗಳು ಈ ಭಾಗದಲ್ಲಿ ಕೇಳಿಬರುತ್ತಿವೆ..!?

    ಹೈದ್ರಾಬಾದ್ ಕರ್ನಾಟಕ ಪ್ರದೇಶದ 6 ಜಿಲ್ಲೆಗಳ ಸಮಗ್ರ ಅಭಿವೃದ್ಧಿ ದೃಷ್ಟಿಯಿಟ್ಟುಕೊಂಡು ರಾಜ್ಯ ಅಥವಾ ಕೇಂದ್ರ ಸರಕಾರಗಳು ಇಲ್ಲಿಯವರೆಗೂ ಯಾವುದೇ ತರಹದ ವಿಶಿಷ್ಟ ಯೋಜನೆ ಹಾಕಿಕೊಳ್ಳುತ್ತಿಲ್ಲ. ಅನುದಾನವಿಲ್ಲದೆ ಈ ಭಾಗ ಅಭಿವೃದ್ಧಿಯಾಗಲೂ ಹೇಗೆ ಸಾಧ್ಯವೆಂಬ ಮಿಲಿಯನ್ ಡಾಲರ್ ಪ್ರಶ್ನೆಗಳು ಈ ಭಾಗದವರನ್ನು ಕಾಡಲಾರಂಭಿಸಿವೆ. ನೀಡಿದ ಅಲ್ಪಸ್ವಲ್ಪ ಅನುದಾನದ ಬಳಕೆಯಲ್ಲಿ ತಾರತಮ್ಯದ ಜೊತೆಗೆ ಅನುದಾನ ಸದುಪಯೋಗದ ಹಿತದೃಷ್ಟಿ ಈ ಭಾಗದ ಜನಪ್ರತಿನಿಧಿಗಳಿಗೆ ಇಲ್ಲದಿರುವುದು ಇನ್ನಷ್ಟು ಈ ಪ್ರದೇಶ ಹಿಂದುಳಿದಿರುವುದಕ್ಕೆ ದೊಡ್ಡ ಸಾಕ್ಷಿ ಎನ್ನಬಹುದಾಗಿದೆ. ಹೈದರಾಬಾದ್ ಕರ್ನಾಟಕ ಎಂಬ ಹೆಸರಿನ ಬದಲಾಗಿ ‘ಕಲ್ಯಾಣ ಕರ್ನಾಟಕ’ ಎಂಬುದಾಗಿ ನಾಮಕರಣ ಬದಲಾಯಿಸಿದ ಸಾಧನೆವೊಂದನ್ನು ಬಿಟ್ಟರೆ, ಅಂತಹ ಹೇಳಿಕೊಳ್ಳುವಂತಹ ಮಹಾಕಾರ್ಯಗಳು ಇಲ್ಲಿಯವರೆಗೂ ಇಲ್ಲಿ ಜರುಗಿಲ್ಲ. ಈ ಪ್ರದೇಶದ ಕುರಿತು ಹೈ-ಕ ಹೋರಾಟಗಾರರು, ಜನ ಪ್ರತಿನಿಧಿಗಳು, ಚಿಂತಕರು, ಖ್ಯಾತನಾಮರು ಹಾಗೂ ಹಿರಿಯ ಪತ್ರಕರ್ತರ ಅಭಿಪ್ರಾಯದ ವಿಶೇಷ ಸರಣಿ ಲೇಖನಗಳು ನಿಮಗಾಗಿ ಶೀಘ್ರದಲ್ಲಿಯೇ ನಿರೀಕ್ಷಿಸಿರಿ..!!